शनिबार, ९ असार, २०७५
Saturday, 23 June, 2018

यूमिडिजीको ७००० एमएएच ब्याट्री तथा ६.२इन्च फुलएचडी डिस्प्ले सहितको नयाँ फ्ल्यागशिप स्मार्टफोन जेड २

केहि समय अघि यूमिडिजीको नच डिस्प्ले सहितको नयाँ फ्ल्यागशिप फोन जेड २ को पोस्टर लिक भएको थियो । उक्त सेटले धेरैको ध्यान आकर्षण गरेको थियो । तर कम्पनिले केहि समय अघि नयाँ ह्यान्डसेट युमिडिजी जेड २ को आधिकारिक रुपमा घोसणा गरेको छ । यसका साथै कम्पनिले बहुप्रतिक्षित यूमिडिजी जेड २ बिश्वकै पहिलो ६.२ इन्चको नच फ्ल्यागशिप स्मार्टफोन हुने दावी गरेको छ ।

यो डिभाइसमा ६.२ इन्चको फुलएचडी डिस्प्ले रहेको छ । यसको रेजोलुसन २२४६x१०८० पिक्सेल रहेको छ । कम्पनिले आफ्नो आधिकारिक ट्वीटर अकाउन्टमा उक्त फ्ल्याग्शिप फोनको तस्बिर सार्वजनिक गर्दै कम्पनिले मानिसले सोचे भन्दा पनि साँच्चै गज्जबको रहको कुरा बताएको छ । फोनको नच मा डुअल सेल्फी क्यामेरा,इयरपिस तथा अन्य सेन्सरहरु उक्त तस्बिरमा देख्न सकिन्छ ।    

फोनमा गोल घुमेको किनारा रहेको छ । यसका साथै फोनका बटनहरु दायाँ साइडमा राखिएको छ । श्रोतबाट प्राप्त जानकारी अनुसार यूमिडीजीको जेड २ मा,भिभो एक्स २० प्लस मा जस्तै इन-डिस्प्ले फिंगरप्रिन्ट स्क्यानर रहने समेत बताइएको छ भने फोनमा ७००० एमएएचको पावरफुल नन् रिमुभेबल ब्याट्रीको समेत प्रयोग भएको छ ।

युमिडिजीको यो नयाँ डिभाइसको पछाडीको भाग ग्लासको हुने र पछाडी पट्टि डुअल क्यामेरा रहने अनुमान गरिको छ । यसका साथै कम्पनिले मिडियाटेकको मिड-रेन्ज प्रोसेसर प्रयोग गर्ने सम्भावना देखिएको छ । यूमिडीजीले नयाँ स्मार्टफोनमा इन-डिस्प्ले फिंगरप्रिन्ट स्क्यानरको प्रयोगमा स्न्यापटिक्सको क्लियर आइडीको प्रयोग हुन सक्ने समेत आनुमान गरिएको छ ।यूमिडिजीको स्मार्टफोन भविष्यमा चाँडै आउने भनिएतापनि,कहिले उपलब्ध हुने भनि मिती भने निर्धारण गरिएको छैन् ।

 

सम्बन्धित समाचार
धेरै पढिएको
ट्वीटरमा