शनिबार, ६ असोज, २०७५
Saturday, 22 September, 2018

तीनवटा स्क्रिन भएको स्मार्टफोन लन्च हुने तयारीमा

स्मार्टफोन बजारमा साउथ कोरियन कम्पनि एलजीले आफ्नो सबभन्दा ठुलो प्रडक्टलाई चाँडै लन्च गर्ने तयारी गरिरहेको छ । एलजीको यो स्मार्टफोन अहिलेसम्मकै अलग स्मार्ट हुनेछ । यो फोनको बिशेषता नै यसमा तीन स्क्रिन वाला डिस्प्ले रहने छ ।

खबरका अनुसार कम्पनिले यो प्रोजेक्टको लागि लामो समय देखि काम गरिरहेको थियो र अहिले यसको सफल परिक्षण समेत भइसकेको छ । खबरका अनुसार यो फोनलाई जरुरतको हिसाबले फोल्ड पनि गर्न सकिने छ र तिनवटै स्क्रिनमा टच फेसीलिटि समेत रहने छ ।

बिभिन्न खबरहरुबाट प्राप्त जानकारीका अनुसार एलजीको यो स्मार्टफोनमा तीन स्क्रिन मध्ये एउटा मेन स्क्रिन रहने छ । युजरहरुले आफ्नो सुबिधा अनुसार दुइ स्क्रिनलाई बन्द पनि प्रयोग गर्न सक्नेछन् । यसका साथै प्रयोगकर्ताहरुले तिनवटै स्क्रिनलाई एकै पटक ठुलो स्क्रिनको रुपमा पनि प्रयोग गर्न सक्ने छन् । तीन स्क्रिनको  मद्दतले फोनमा मल्टी टास्कीङ अझ सजिलो हुनेछ । अहिले सम्म कम्पनिले फोनको बारेमा कुनै पनि प्रकारको आधिकारिक घोसणा भने गरेको छैन् ।

यो भन्दा अघि चीनको स्मार्टफोन निर्माता कम्पनि जेडटिइले फोल्डएबल स्मार्टफोन जेडटिइ एक्सोन एम सार्वजनिक गरेको थियो ।उक्त जेडटिइ एक्सोन एम मा ५.२ इन्चको दुइवटा डिस्प्ले रहेको थियो । एलजीले तीनवटा स्क्रिन वाला डिस्प्ले भएको स्मार्टफोन सार्वजनिक गरे पश्चात: एलजीको यो फोन र जेडटिइको एक्सोन एम बीच कडा प्रतिस्पर्धा हुने देखिन्छ ।

एलजी कम्पनिले आफ्नो तीन स्क्रिन भएको स्मार्टफोन कहिले सम्म सार्वजनिक गर्ने भन्ने बारेमा आधिकारिक घोसणा भने गरेको छैन् । यसका साथै उक्त फोनका अन्य फिचरहरुका बारेमा समेत कुनै जानकारी प्राप्त भएको छैन् ।

 

सम्बन्धित समाचार
धेरै पढिएको
ट्वीटरमा